/, 分享文/讓人超期待的Pre-Wedding拍攝 | TAEHEE WEDDING

讓人超期待的Pre-Wedding拍攝 | TAEHEE WEDDING

超期待的Pre-Wedding 韓國婚紗攝影

 

超期待的Pre-Wedding 韓風婚紗 TAEHEE

我人生的第一篇文:所以有點長

當先生係相識紀念日求婚後,就決定要去韓國影pre-wedding…點解⋯⋯因為”韓風“囉…! 其實係因為真心覺得韓國嘅化粧同婚紗都好得。第一次去婚展,儍下儍下淨係攞咗D資料跟住就走啦!我地起初係諗住影outdoor而先生嘗試游說我到“台灣“影⋯⋯佢話係studio影使乜去韓國!
到第二次,去之前一晚決定做下功課,上網search下有乜參展商,係check緊其它公司嘅時候,similar finding 出咗TAEHEE WEDDING (可能係整定),click 入去睇⋯⋯嘩,D相好靚經已被吸引,跟住check comments (我相信一般人都會咁做) 再睇番原來佢有參展,咁當然要去睇下啦!(唔係次次都有booth).

嗰日睇咗幾間,而TAEHEE係最後一間。當了解完個package 我地冇即時confirm 因要同先生商量一下。TAEHEE係香港仲未有分店 (only Taiwan & Korea),所以更加要慎重考慮,因先生覺得唔係好穩陣,有種隔山買牛嘅感覺。

經商量後先生見我咁鍾意就比我去馬,因為沒有分店所以我地係經LINE 同TAEHEE聯絡及傾我地選擇嗰個package。同我地聯絡嘅係Emily,佢冇嫌我地煩仲一一解答我地嘅問題及提供意見。所有野落實後,我地就比咗deposit,而尾數係以KRW 計的。其時還有點擔心,但冇幾耐TAEHEE就已經係LINE 度開咗個群組提供赴韓前準備及方便聯絡。客服一路不斷跟進,係約兩星期前就把已增值嘅T-money 寄給我們。

於17號早上帶著緊張的心情嚟到韓國,原定坐巴士到酒店會合翻譯員後便到銀行唱錢但因為一D低級錯誤我地好遲先到酒店,係途中接到工作人員Jun 既電話說找換不切所以容許我們以港幣埋單 (有彈性處理唷)。放低行李就立即離開去婚紗店,其時我都有擔心遲咗會否縮短我們試衫的時間。翻譯知道後幫我們説出,佢地話不用擔心、會比足夠時間我地試。

到了位於江南區清潭洞的韓國星級婚紗Ria Bridal總店 (佢地係一間韓國手工婚紗),院長親自迎接及招待我們。奉上茶,然後佢問我地有冇邊D款式特別鍾意,之後就攞咗幾條出嚟比我試。佢哋嘅試衫程序真係一絲不苟、超級認真!會幫你整個簡單髮型之後仲有手花咁俾你影相,咁你就可以睇到影出嚟既整體感覺! 佢哋都有唔同嘅配件(lace 邊)及外套可以加上去令到同一件婚紗都可以變成不同款式,咁輯相就會豐富好多 …..D韓國婚紗真心全部都好靚🤤🤤當中包括心桃,V領及分別有蓬裙啦A字型啦!

  
  

到咗先生試衫,試咗四套全部都好睇。最後揀咗黑色同埋一件格仔、因為佢big day 嗰日冇格仔!

  

到咗18 號影相當日,翻譯係酒店會合然我地坐車去位於江南區嘅”CENchera & JD” Salon 化妝同set 頭。個salon 超大有四層,首先放哂D嘢入locker, 由於驚整散個頭所以先生要換咗佢地件袍先。上去3/F,髮型師就同會同你傾吓想點整,但由於我冇乜idea 佢地就建議可轉換既髪型,一共有3個不定同造型。我整完之後就到先生,但因為佢個髮型既關係所以佢冇乜可以攪,跟住落B1 去化妝,比咗一D reference photo 化妝師睇,佢話唔係太啱我,所以佢係根據我既樣去化。當先生set 好頭就跟著落嚟化妝。

係唔知咩頭同咩妝啱自己既煩惱底下,佢地真係好厲害,出嚟嘅result 正正係我想要既妝容 ~~ 個妝好薄好貼 。化好妝既同時,姨母(專門負責換衫,轉造型的姨姨) 就帶埋我地D衫到咗啦!由於仲有少少時間,所以快快手食D野先。食完之後,姨母就幫我換衫跟著到先生!臨走前,化妝師再touch up 一下個妝然後帶飾物。執拾細軟出發去Studio!

到咗之後就會見攝影師商討之後既安排,同埋佢要我地點笑咁啦!影到咁上下就轉造型,佢地既姨母真係好尊業,不論係studio 入面定係街,佢都會同攝影師溝通過,問佢會影D咩繼而睇下個頭飾及裙擺應該點放!差不多去到尾聲就到我最鍾意嗰條裙啦⋯⋯換咗出嚟之後、先生係咁樣,因為件婚紗無論係quality 定cutting 都好靚。離開食飯時回顧今日拍攝,真係好似發咗場夢!

超快,係一個星期左右就收到毛片啦!D相又係不得了,如果我倆有model 既body …….D相真係唔使點執。從未見過自己可以影到咁靚同好 chok 既先生 ,出嚟嘅outcome 我倆都好滿意 ! 但最開心係所有睇過相既朋友都話我地look “so韓”.

P.s 以上全部相片都未執

在此感謝當天所有幫忙的人員令這次韓國婚紗攝影順利完成

TAEHEE WEDDING 
https://taeheewedding.com/

2017-10-06T10:26:03+00:00